सोमबार ०३ माघ २०७८

काठमाडौं । कपडा चोरेको आरोपमा एक महिलाको कपडा खोलिएको छ ।

भारत, राजस्थान जयपुरको वर्ल्ड ट्रेड पार्क मलको शोरुममा महिलाको लुगा जबरजस्ती निकालेको घटना बाहिर आएको हो ।

अब ती महिलाले शोरुम मालिक र कर्मचारीविरुद्ध प्रहरी चौकीमा एफआइआर दर्ता गराएकी छन् ।

प्रहरी चौकीमा परेको उजुरी अनुसार पीडित युवती स्थानीय समयानुसार डिसेम्बर २०, साँझ ७ः४५ बजे मलको शोरुममा किनमेल गर्न गएकी थिइन् ।

ती महिला शोरुमको चेन्जिङ रुममा गएर केही लुगाहरू परीक्षण गरिन् । साइज सही नभएपछि पीडित महिलाले सेल्सम्यानबाट आफ्नो साइजको कपडा लिएकी थिइन् ।

 

ट्रायल कोठामा कपडा परीक्षण गरेपछि महिला आफ्नो मनपर्ने पोशाक लिएर बाहिर निस्किएर बिलिङका लागि क्यास काउन्टरमा गइन् ।

त्यही क्रममा सेल्सम्यानले महिलामाथि परीक्षण गरिएको कपडामा एक टुक्रा कम भएको आरोप लगाए । ती महिलाले शोरुमका कर्मचारीलाई आफ्नो झोला देखाइन् र आफ्नो सामान जाँच गरिन् ।

पीडितको झोलामा केही नभेटेपछि सेल्सम्यानले शोरुमका अन्य कर्मचारी र गार्डलाई बोलाए । ती महिलाले शोरुम म्यानेजरलाई सबै कुरा सुनाइन् तर उनले सुनेनन् र महिला गार्डलाई बोलाएर लुगा फुकालेर खोजी गर्न भनेका थिए ।

शोरुम सञ्चालक र म्यानेजरको आदेशमा महिला गार्डले महिलालाई सबैको अगाडि चेन्जिङ रुममा लगेर पीडितको सबै लुगा फुकालेर खोजी गरेका हुन् ।

जाँच गर्दा केही भेटिएन । त्यस क्रममा पीडित महिला आफ्नो अपमानको लागि रोइन् तर उनको कुरा कसैले सुनेनन् ।

त्यसपछि पीडित महिलाले अतिरिक्त आयुक्तलाई भेटेर अतिरिक्त आयुक्तको निर्देशनमा शोरुम सञ्चालक र कर्मचारीविरुद्ध मुद्दा दर्ता गरिन् ।

महिलाका आफन्तले जवाहर सर्कल प्रहरी चौकीमा उजुरी दिएका छन् । महिलाको उजुरीका आधारमा प्रहरीले अहिले घटनाको अनुसन्धान गरिरहेको छ ।


Last Updated on: December 24th, 2021 at 2:16 pm
७२ पटक हेरिएको

तपाईको प्रतिक्रिया