Thursday, May 13

अनुप भन्छन् – एकमात्र महानायक राजेश हमाल

July 27, 2020 188

काठमाडौं – अभिनेता राजेश हमाललाई महानायक भन्ने कि नभन्ने भनेर बहस भइरहेका बेला अर्का अभिनेता अनुप विक्रम शाहीले हमाललाई ‘एक मात्र महानायक’ भएको बताएका छन् ।

केही समयदेखि राजेश हमाललाई महानायक भन्ने या नभन्ने विषयमा बहस हुँदै आएको छ । एक अन्तर्वार्ताका क्रममा कलाकार तथा निर्देशक दीपाश्री निरौलाले ‘राजेश हमाल महानायक हो र ?’ भन्दै अभिव्यक्ति दिएपछि यो विषयमा व्यापक बहस भएको थियो ।

हमालले भने ‘महानायक’ को उपाधिलाई आफूले स्याबासीका रुपमा लिँदै आएको बताएका छन् ।

अनुपले अभिनेता हमालसँगको तस्वीर सामाजिक सञ्जालमा अपलोड गर्दै लेख्छन् – एक मात्र महानायक राजेश हमाल ।

केही दिनअघि पनि अनुपले आफ्नो जन्मदिन सेलिब्रेट गर्ने क्रममा हमाललाई नेपाली फिल्म इतिहासका महानायकका साथै ‘सुनको खम्बा’ भएको बताएका थिए ।

 

प्रतिकृया दिनुहोस्