Wednesday, April 21

सर्तक हुनुहोस् है कोरोनालाई हेलचेक्र्याइँ गर्दा ज्यानै जान सक्छ, नेपालमा खतराको घण्टी बजी सक्यो

August 7, 2020 617

ललितपुर, साउन २३ । कोरोना संक्रमणबाट गत शुक्रबार ललितपुर–१४ थसिखेलकी ६७ वर्षीया महिलाको मृत्यु भयो । वीरगन्जबाट फर्किएको केही समयपछि मृतक महिलालाई कोरोना पुष्टि भएको थियो ।

उनको परिवारका अन्य पाँच जनालाई पनि कोरोना पोजेटिभ देखिएको स्वास्थ्य कार्यालय ललितपुरले जनाएको छ । कार्यालय प्रमुख खगेश्वर गेलालका अनुसार ती महिला तराईबाट आएपछि क्वारेन्टाइनमा बसिनन् । घर बस्दा न्यूनतम स्वास्थ्य सावधानी पनि नअपनाइएकाले सो परिवारका अन्यलाई पनि संक्रमण भएको थियो । वीरगन्जबाट आएको केही दिनमा कोरोनाका लक्षण देखिन थालेपछि मात्रै ती महिला अस्पताल पुगेकी थिइन् ।

उनी उच्च रक्तचापको बिरामीसमेत थिइन् । कोरोना संक्रमण पुष्टि भएको केही दिनमा पाटन अस्पतालमा उनको मृत्यु भयो । तराईबाट आएर परिवारका सदस्यसँगको घुलमिल र हेलचेक्र्याइँले अन्यमा समेत संक्रमण देखिएको गेलालको भनाइ छ । ‘क्वारेन्टाइन नबस्दा र परिवारका सबै सदस्य घुलमिल हुँदा समस्या देखियो’, उनले भने, ‘कोरोना परीक्षण पनि भएको थिएन, हेलचेक्र्याइँले ज्यानसमेत लिन सक्छ ।’ अन्नपूर्ण पोस्ट्मा खवर छ ।

कोरोना संक्रमणबाट ललितपुरमा मृत्यु हुने ती महिल दोस्रो व्यक्ति हुन् । यसअघि ललितपुर–२२ बुङमतीका एक पुरुषको मृत्यु भएको थियो । स्वास्थ्य क्षेत्रमा काम गर्नेले अहिलेको संक्रमणका बेला झनै बढी सावधानी अपनाउनुपर्ने चिकित्सक बताउँछन् । गत महिना काठमाडौंको बल्खुस्थित बयोधा अस्पतालमा ल्याब टेक्निसियनको रूपमा कार्यरत ललितपुर लुभुकी एक युवतीको घरका १३ जना सदस्यलाई कोरोना संक्रमण देखिएको थियो । उतm घटनापछि समाजले गर्ने विभेदका कारण आफूले मानसिक यातना भोग्नु परेको ती युवती बताउँछिन् ।

प्रतिकृया दिनुहोस्