Wednesday, April 21

झापाको मेचीनगर, बुद्धशान्ति, कमल र गौरीगञ्जको १५ वडामा निषेधाज्ञा

August 22, 2020 187

झापा- कोरोना संक्रमण समुदायस्तरमा फैलिन थालेपछि त्यसको रोकथाम र नियन्त्रण गर्न झापाका विभिन्न स्थानीय तहमा निषेधाज्ञा जारी गरिएको छ ।

झापाका मेचीनगर, कमल, बुद्धशान्ति र गौरीगञ्जका १५ वटा वडामा जिल्ला प्रशासन कार्यालयले निषेधाज्ञा जारी गरेको हो ।

 

निषेधाज्ञा लागू भएका क्षेत्रमा बस, सिटी सफारी, ट्रक, कार, जीप, टेम्पो, माइक्रो लगायतका यातायतका साधन गुड्न निषेध गरिएको प्रशासनले जारी गरेको आदेशमा जनाइएको छ ।

सो इलाकामा मानिसहरुको आवतजावतमा समेत रोक लगाइएको छ । पूर्व पश्चिम राजमार्गमा भने यातायातका साधन चलाउन रोकिएको छैन ।

मेचीनगर नगरपालिकाको वडा नं. ६, ७ र ८ मा, बुद्धशान्ति गाउँपालिकाको सबै वडामा, कमल गाउँपालिकाको वडा नं. ३ को फाल्गुनन्द टोल र शान्ति टोलको पूर्वमा केर्खाखोला, पश्चिममा ढ्याङ्ग्री खोला, उत्तरमा राजमार्गको दक्षिण र दक्षिणमा निहारिक स्कुल अगाडिको तेर्सो बाटोसम्म र गौरीगञ्जको वडा नं. ३, ४, ५ र ६ मा निषेधाज्ञा लगाइएको छ ।

मेचीनगरमा अर्को सूचना नभएसम्मका लागि, कमल गाउँपालिकाको वडा नं. ३ मा भदौ ९ गते राति १२ बजेसम्मका लागि, बुद्धशान्ति गाउँपालिकाका सबै वडामा भदौ ९ गते राति १२ बजेसम्मका लागि र गौरीगञ्जमा अर्को सूचना नभइञ्जेलसम्मका लागि निषेधाज्ञा लगाइएको हो ।

 

 

 

 

प्रतिकृया दिनुहोस्