Friday, April 23

आज राति नेपाल एयरलाइन्सले पहिलो नियमित उडान भर्दै, यस्तो छ भोलीको उडान तालिका

September 3, 2020 224

भदौ १६, काठमाडौँ | नियमित अन्तराष्ट्रिय उडान बन्द भएको पाँच महिना पछि आज राति १ बजे नेपाल एयरलाइन्सको विमानले पहिलो नियमित उडान भर्ने भएको छ । लामो समय पछिको पहिलो नियमित उडान जापानको नारितामा हुँदैछ ।

निगमको वाइड बडी जहाजले आज राति १:०० बजे जापानको नारिताका लागि उडान भर्ने विमानस्थलले जनाएको छ । आजको लागि अन्य एयरलाइन्सको नियमित उडान तालिका छैन ।

भदौ ४ गतेको मन्त्रिपरिषद् बैठकले कोभिड–१९ महामारीबाट बचेर सुरक्षित उडानका लागि पीसीआर परीक्षण सहज भएका देशहरुबाट शर्तसहितको नियमित उडान गर्ने निर्णय गरेको थियो । त्यसै निर्णय अनुरुप नियमित उडान सुरु हुन लागेको हो ।

 

यसै बीच आज चार्टर्ड उडानबाट कतारबाट दुई उडान र कुवेतबाट एक उडान भएको छ । कतारबाट भएको दुई उडान अन्तर्गत हिमालय एयरलाइन्सबाट १२६ यात्रु स्वदेश आएका छन् भने नेपाल एयरलाइन्सबाट १३८ नेपाल आएका छन् । कुवेतबाट आएकाको विवरण भने अपडेट आएको छैन ।

त्यस्तै आज ७ आन्तरिक उडान भएका छन् । बिमानस्थलले दिएको जानकारी अनुसार आज समित एयर, श्रीएयर, तारा एयर, प्रभु एयर, मनाङ एयर, सिम्रिक एयर र एयर डेस्टेनीका उडान भएका छन् ।

भोली हुने उडान तालिका
राति नेपाल एयरलाइन्सको नारिता उडान हुँदैछ । त्यस्तै भोली हिमालय एयरलाइन्सको उडान चीन जाँदैछ । त्यस्तै भोली दिउसो ३ बजे कतार एयरलाइन्सको उडान नेपाल आउंदैछ । त्यस्तै भोलीनै माल्दिभ्सबाट हिमालय एयरलाइन्सले नेपालीलाई स्वदेश ल्याउनेछ । त्यस्तै भोलीनै चीनबाट हिमालय एयरलाइन्सको उडान काठमाडौँमा अवतरण गर्नेछ ।

 

प्रतिकृया दिनुहोस्