Saturday, July 31

चीन-भारत विवाद बारे अमेरिकी राष्ट्रपतिको टिप्पणी- स्थिति गम्भीर

September 5, 2020 267

काठमाडौं- अमेरिकी राष्ट्रपति डोनाल्ड ट्रम्पले भारत र चीनबीतको अहिलेको स्थितिलाई ‘गम्भीर’ भएको टिप्पणी गरेका छन् ।

ट्रम्पले अहिलेको परिस्थिति प्रतिकूल भएकोले आफू भारत र चीनलाई सहयोग गर्न तयार रहेको बताएका छन् ।

 

भारत र चीनको विवादको विषयमा दुवै देशहरुसँग अमेरिकाले छलफल गरिरहेको बताँदै ट्रम्पले यस विषयमा अमेरिकाले केही गर्न सके वा दुवैको मद्दत गर्ने सके आफूलाई खुसी हुने बताएका छन् ।

ट्रम्पले चीनको आलोचना गर्दै अहिलेको समयमा चीनको चर्चा रुसकोभन्दा बढी गरिनुपर्ने बताएका छन् ।

चीनले गरिरहेको काम निकै खराब भएको आरोप लगाउँदै ट्रम्पले भने ‘पूरै विश्वले बुझ्नुपर्छ कि चीनले कोरोनाभाइरसको विषयमा के गर्यो ।’

ट्रम्पले एकपटक फेरि कोरोनाभाइरसलाई चाइना भाइरस भने । ट्रम्पले भारतका प्रधानमन्त्री नरेन्द्र मोदीको प्रशंशा गर्दै भारतीय मूलका मतदातालाई आकर्षित गर्ने प्रयास पनि गरे । उनले भारतीयहरुले आफूलाई भोट दिने आशा पनि व्यक्त गरे ।

 

 

 

प्रतिकृया दिनुहोस्