भारतीय सेनाले गस्ती गर्ने १० स्थान चिनियाँ सेनाकाे कब्जामा

भारत–चीन सीमा पूर्वी लद्दाखको वास्तविक नियन्त्रण रेखा (एलएसी) अन्तर्गत भारतीय सेनाले गस्ती गर्ने कम्तीमा १० स्थान चीनका सेनाले कब्जा गरेको भारतको अंग्रेजी अखबार द हिन्दुले जनाएको छ।

पेट्रोलिङ प्वइन्ट्स भनिने ती ठाउँमा चिनियाँ सेनाले भारतीय सेनालाई जान रोक लगाएको द हिन्दुमा प्रकाशित खबरमा उल्लेख छ।

भारतका एक वरिष्ठ सैन्य अधिकारीका अनुसार उत्तर देपसाङदेखि दक्षिण पाङगोङ त्सो तालसम्म ती प्वइन्ट्स पर्छन्। जहाँ अपरिभाषित एलएसीको सीमा समाप्त हुन्छन् र भारतीय सेनाले आफ्नो बेस क्याम्प राखेर गस्ती गर्छन्।