बिहिबार ३१ भाद्र २०७८

उत्तरी छिमेकी चीनले सीमा क्षेत्रमा असहयोग थालेको छ ।

सरकारले हुम्ला लगायत नेपाल चीन सीमामा देखिएको समस्या समाधानका लागि छानविन समिति बनाएपछि चीन रुष्ट बनेको छ । त्यसको प्रतिक्रिया स्वरुप सीमामा अहसयोग गर्ने, नेपालीलाई दुःख दिन थालेको हो ।

हुम्लाको नाम्खा गाउँपालिकाको लिमी लाप्चादेखि हिल्लासम्मको सीमा क्षेत्रमा समस्या देखिएको छ । ठाउँमा ठाउँमा चीनबाट सीमा अतिक्रमण गरिएको पाइएको छ । तर चीनले कम्युनिस्ट सरकारलाई अलमल्याएर विवादलाई सामसुम पारेको थियो । त्यसैगरी सीमामा जानै नदिएर पनि अलमल्याउने प्रयास गरेको थियो । त्यो प्रयास असफल भएर भूमि मिचिएको तथ्य बाहिर आएपछि चीनले नेपालीलाई दुःख दिएर गलाउने नियतले असहयोग थालेको छ ।

हालै नेपाली महावाणिज्य दूतावासले चाडपर्व नजिकै आएको भन्दै सामग्रीहरुको आयातको लागि तातोपानी र रसुवागढी नाका निर्वाध रुपमा सूचारु गरिदिन चीनलाई अनुरोध गरेको थियो । नेपालका उत्तरी जिल्लाले चीनबाट पाउँदै आएको सहायता सामग्री उपलब्ध गराइदिन महावाणिज्य दूतावासले तिब्बत सरकारलाई आग्रह गर्यो । हिल्साको सौर्य ऊर्जा परियोजना सम्बन्धमा पनि सहयोग गर्न अनुरोध गर्यो । त्यस्तै हिल्सा, नाम्खा गाउँपालिकामा नेपाल सरकारको आफ्नै सौर्य उर्जा परियोजना निर्माण निर्माण भइरहेको हुँदा अन्य किसिमको सहयोगका लागि नाम्खा गाउँपालिकाले चीनको नियोगलाई अनुरोध गर्यो । यी सबै अनुरोध नेपाल चीन मित्रवत सम्बन्धको प्रतिकका रुपमा थिए । तर चीन र तिब्बत सरकारले कुनै सहयोग गरेनन् । असहयोग नीति लिए ।

नेपाली महावाणिज्य दूतावासले नेचुंग लिची नाका सञ्चालनको लागि भन्सार, क्वारेन्टाइन, अध्यागमन र सुरक्षाको व्यवस्था गर्न पनि चीनलाई अनुरोध गरेको थियो । दूतावासले निर्वाध रुपमा नाका सञ्चालन गर्नेदेखि विभिन्न विषयमा चीनलाई अनुरोध गरे पनि चीनले वेवास्ता गरेको छ । चीनस्थित दूतावासका एक कुटनीतिज्ञका अनुसार नेपाली भूमि मिचेर चीनले भवन बनाएको सम्बन्धमा अध्ययन गर्न नेपालले समिति बनाएपछि चीन रुष्ट बनेको छ । त्यसैको प्रतिक्रिया स्वरुप अब निर्वाध रुपमा नाका सञ्चालन गर्न नदिने, उत्तरी जिल्लाका स्थानीयलाई सिमानामा दुख दिने, सहयोग उपलब्ध नगराउने रणनीति चीनले लिएको छ । यस्तो असहयोगले पनि चीनले भूमि मिचेको आशंकालाई बल पुग्ने र अब छानविनबाट यथार्थ बाहिर आउने ती कुटनीतिज्ञले बताए । नेपालपाना


Last Updated on: September 8th, 2021 at 6:59 pm
१६१ पटक हेरिएको

तपाईको प्रतिक्रिया