शुक्रबार ०८ आश्विन २०७८

नेपाली कांग्रेस कैलाली जिल्लाका नेता मानबहादुर महतोको ७४ वर्षका उमेरमा निधन भएको छ ।

कैलालीको लम्कीचुहा नगरपालिका–९ वनवर्सा गाउँ निवासी महासमिति सदस्य उहाँको कोहलपुर मेडिकल कलेजमा उपचारका क्रममा आज बिहान निधन भएको हो ।

रक्तचापका कारण अचानक छाती दुखेपछि उनलाई उपचारका लागि सो मेडिकल कलेज पुर्‍याइएको थियो ।

पञ्चायतकालदेखि नै कांग्रेसको राजनीतिमा लाग्नुभएका उहाँ कैलाली कांग्रेसका लोकप्रिय र निष्ठावान नेता थिए ।

कांग्रेसका नेतृत्वमा नेपालमा प्रजातन्त्र स्थापना र पुनःस्थापनाका लागि भएका आन्दोलनमा तत्कालीन संविधानसभाका सदस्य उहाँको महत्वपूर्ण योगदान रहेको कांग्रेसका नेता रामजनम चौधरीले बताए ।

 

यो पनि पढ्नु हाेस

खाली पेटमा पानी पिउनुका फाइदैफाइदा

शरीरमा भएका विकार पदार्थलाई बाहिर निकाल्न पानीको भूमिका महत्वपूर्ण हुन्छ । त्यसैले चिकित्सकहरुले पनि स्वच्छ बन्न धेरै पानी पिउन सल्लाह दिने गरेका छन् । त्यसमा पनि बिहान खाली पेटमा पानी पिउने गरेमा त्यसले मानिसलाई फाइदैफाइदा गर्ने चिकित्सकहरुले बताएका छन् ।

अधिकांश रोग पेटमा नै उत्पन्न हुने भएकाले त्यसको निधानका लागि धेरै पानी पिउन डाक्टरले सल्लाह दिन्छन् । पेट सफा भए धेरै रोग नलाग्ने र पेट सफा गर्न धेरै पानी पिउनुपर्ने पेट रोग विशेषज्ञहरु बताउँछन् ।

खाली पेट पानी खाँदा करिब ९० प्रतिशत रोगबाट बच्न सकिन्छ । यसमा पनि मनतातो पानी सबैभन्दा उपर्युक्त हुन्छ । तर पानी पिउने भन्दैमा धेरै चिसो पानी पिएमा स्वास्थ्यमा नकारात्मक प्रभाव पर्ने भएकाले सचेत हुन आवश्यक छ ।

थाहा पाउनुहोस बिहानै पानी पिउनुका फाइदा

आन्द्राको सफाइ : खाली पेट प्रशस्त पानी पिउँदा पेटका विकार शौचमार्फत जाने र पेट सफा हुन्छ । जसले पाचन प्रणालीलाई पनि सहयोग गर्छ । तपाईंलाई बिहानै दिसा पिसाव लाग्दैन भने बिहानै दुई गिलास मन तातो पानी पिएमा शौच आउछ ।

विकार फालिदिन्छ : तपाई बाथरुम जाँदा शरीरका उत्तेजित र विकारलाई बाहिर फालिदिनुहुन्छ । जतिधेरै पानी पिउनुहुन्छ त्यति धेरै विकार शरीरबाट फाल्न सहयोग पुग्छ ।

भोक तथा निन्द्रा जगाउँछ : भोक नलाग्ने समस्या भएकाका लागि पनि नियमित पानी पिउनु लाभदायी हुन्छ । बिहान उठ्ने वित्तिकै खाली पेटमा दुई गिलास पानी पिउनुहोस तपाईलाई भोक लागिरहन्छ । त्यस्तै यसले निन्द्रा पिन लगाउँछ ।

टाउको दुख्ने समस्या हट्छ : बारम्बार टाउको दुख्नुको मुख्य कारण प्रर्याप्त पानी नपिउनु हो । डिहाइड्रेसनको मुख्य लक्षण नै टाउको दुख्नु हो । तसर्थ बिहान उठ्नेवित्तिकै पानी पिएमा यो समस्या समाधान हुनेछ ।

उर्जा बढाउछ : यदि तपाईलाई अल्छि लागेको छ भने एक गिलास पिउनुहोस । खाली पेट पानी खाँदा रगतका रक्त कोषिकालाई चाँडो बढ्न सहयोग पुयाउछ । जति धेरै कोषिकाको बृद्धि हुन्छ त्यति नै धेरै शरीरमा अक्सिजन प्रबाह हुन्छ । यसको अर्थ तपाईमा एक प्रकारको उर्जा मिल्छ ।

छालामा चमक ल्याउछः खाली पेट प्रशस्त पानी खादा अनुहारको चमक बढाउछ । शरीरमा जति बढी विकार र उत्तेजित तत्व हुन्छ त्यति नै तपाईको अनुहारको छाला नराम्रो बनाउछ। तर प्रशस्त पानी खाँदा विकार हट्ने भएकोले अनुहारको सुन्दरतामा निखार आउछ ।

रोग प्रतिरोधात्मक क्षमता बृद्धि : समग्र स्वास्थ्यको लागि पानी नभई नहुने तत्व हो । शरीरमा तरल पर्दाथको सन्तुलनका लागि पनि पानी नभई हुदैन । दिनहुँ खाली पेटमा पानी खाँदा रोग प्रतिरोधात्मक क्षमता बृद्धि गर्छ । त

कोलोनको सफाइ : पानी पिउदा कोलोन सफा गरिदिन्छ । एक गिलास पानी खाली पेट खाँदा कोलोनमा जम्मा भएको लेदो र विकार सफा गरिदिन्छ । कोलोन सफा भएमा शरीरलाई आवश्यक पोषक तत्व शोषण गर्न सहयोग पुर्‍याउँछ ।

मेटाबोलिजमलाई तीब्र पार्छः डाइटिङ गर्दा पनि खाली पेटमा पानी पिउनु उपयुक्त हो । पानी पिउदा कम्तिमा पनि २४ प्रतिशतले मेटाबोलिजमलाई बृद्धि गर्छ ।

 


Last Updated on: September 12th, 2021 at 1:13 pm
८६ पटक हेरिएको

तपाईको प्रतिक्रिया