सोमबार ०३ माघ २०७८

काठमाडौं । पहिरो निरीक्षणका लागि बुटवल ३ ज्योतिनगरमा गएका बुटवल उपमहानगरपालिकाका नगरप्रमुख शिवराज सुवेदीलाई मुःक्का प्रहार गर्ने एमाले कार्यकर्ता रहेको पाइएको छ ।

ज्योतिनगरका स्थानिय गणेश पंगेनीले नेकपा एमाले रुपन्देही अध्यक्ष समेत रहेका नगर प्रमुख सुवेदी माथी आज विहान मुःक्का हानेका थिए ।

लुम्बिनी बाणिज्य क्याम्पसमा अध्यानरत उनी अनेरास्ववियू जिल्ला कमिटि सदस्य समेत हुन । विद्यार्थी राजनिति गर्दै आएका उनले पहिरोले पटक पटक पीडित बनाउँदा स्थानिय सरकारले पहिरो व्यवस्थापनमा चासो नदिएकाले मुक्का हानेको प्रहरीलाई बताएका छन् ।प्रहरीले भने पक्राउ गर्ने गरी घटना नभएको भन्दै पक्राउ नगरिएको बताएको छ। अहिले पहिरो क्षेत्रमा युवा संघ, अनेरास्ववियूका नेताहरु पुगेका छन् ।

अाज भालि निकै दर्दनाक र फरक किसिमका घटनाहरू घट्ने गरेका छन् । माहामारिका बिच यस्ता समस्या अजै बढि अाउने गरेकाे छ । मानिसहरू सानाे सानाे कुरामा पनि मर्ने र मार्ने कुरा गर्छन् वा हत्या र अात्महत्या जस्ताे गम्बिर घटनाकाे शिकार र शिकारि भएका छन् ।

त्यस्तै घटना मोरङको सुन्दरहरैँचा–८ सलकपुरका विनोद काफ्ले र उर्लाबारी नगरपालिका दुर्गापुरीकी रोजिना गिरीकाे छ । जसले गत वर्षमात्र आफ्नो प्रेमलाई विवाहमा रुपान्तरण गरेका थिए ।

सामाजिक सञ्जाल फेसबुकबाट भएको चिनजानलाई विवाहमा रूपान्तरण गरेको एक वर्ष पनि पुग्न नपाउँदै पति–पत्नीबीचको बिछोड भएको छ ।

विनोद विवाह गरेर रोजिनालाई घरमा राख्दै वैदेशिक रोजगारीका लागि दुबई पुगेका थिए । त्यहाँ काम गरिरहेका उनले शनिबार बेलुका रोजिनासँग फोनमा कुरा गरे ।

रोजिना पनि शनिबार सलकपुर बजारमा किनमेल गरेर फर्किएकी थिइन् । विनोदसँगको कुराकानीमा रोजिनाले पटक–पटक आफू पीडामा रहेको भन्दै आत्महत्या गर्ने निर्णय सुनाइन् ।

रोजिनाले पीडाको विषयबारे कुरा गरिनन् । आत्महत्या गर्ने रोजिनाको निर्णयबारे सुरुमा त विनोदले विश्वास गरेनन् तर पटक–पटक उनले म मर्छु भन्ने कुराकाे जिकर गर्दा विनोदले सम्झाए ।

अनेकन आग्रह गरे । तर रोजिनाले ढिपी कसिरहिन् । कुराकानीपछि विनोद सुते । बिहान फोन गरे तर उठेन । म्यासेज पठाए त्यसकाे पनि जवाफ पाएनन् । अनि अकाउन्ट खोलेर हेरे । त्यहाँ पनि अनलाइन पाएनन् ।

एकैछिनमा परिवारबाट फोन आयो । परिवारले रोजिना रहिनन् भन्दा विनोद छाँगाबाट खसेजस्तो भए । अनि उनलाई परिवारले रोजिनाको माइतीपक्षमा सूचना पुर्‍याइदिन भने ।

विनोदले सोहीअनुसार माइती पक्षसँग कुरा गरे । उनीहरूको दुई परिवारबीच सम्धीभेटसमेत भएको थिएन । त्यसैले उनीहरूबीच प्रत्यक्ष कुराकानी हुन नसकेको बताइन्छ ।

यता, माइती पक्षले रोजिनाले आत्महत्या गरेको नभई हत्या हुनसक्ने आँकलन गर्दै प्रहरीमा किटानी जाहेरी दिने तयारी गरेका छन् । रोजिनाकी ठुलोबुबाकी छोरी (बहिनी) मनीषा क्षेत्री केटिएम दैनिकसँग भन्छिन्, ‘मलाई पनि हिजो बिहान यसबारे खबर आयो । तत्काल भिनाजू (विनोद) लाई म्यासेज पठाएँ ।

उहाँले फोनमा रोजिनाले छोडेर गएको भन्दै विरह पोख्नुभयो । तर उहाँको पनि निष्कर्ष आत्महत्या नै हो भन्ने छ । तर दिदीको अनुहार र शरीरमा निलडाम छ ।’

उनका अनुसार हालैमात्र उनीहरूले सलकपुरको उक्त घर बेचेका रहेछन् । घर बेचेको पैसामा किचलो हुँदा हत्या भएको हुनसक्ने उनको आशङ्का छ ।

‘त्यस्ती सोझी मेरी दिदीले त्यस्तो कठोर निर्णय लिन सक्दिनन्’, उनले भनिन्, ‘भिनाजु पनि आज फर्किँदै हुनुहुँदोरहेछ । पोस्टमार्टम रिपोर्ट आएपछि थप सत्यता बाहिर आउला । तर उनको हत्या भएको हुनुपर्छ ।’

२४ वर्षीया रोजिना गिरी (काफ्ले) मोरङको सुन्दरहरैँचा–८ सलकपुरमा आइतबार बिहान आफ्नै घरको कोठाभित्र मृतावस्थामा फेला परेकी थिएन् । हिजो बिहान ७ बजेतिर कोठाभित्र चुकुल लगाएको अवस्थामा उनी मृत फेला परेको सुन्दरहरैँचा– ८ का वडाध्यक्ष खेमप्रसाद न्यौपानेले जानकारी दिए ।

मृतक रोजिनाको अनुहारमा निल डाम छ भने शरीरमा पनि चोट देखिएको बताइएको छ । आइतबार नै शव पोस्टमार्टमका लागि धरानस्थित बिपी कोइराला स्वास्थ्य विज्ञान प्रतिष्ठान पुर्‍याइएको इलाका प्रहरी कार्यालय बेलबारीका इन्स्पेक्टर सरोज खनालले जानकारी दिए । उनका अनुसार आज शवको पोस्टमार्टम हुनेछ । रिपोर्ट आएपछि घटनाको विवरणबारे जानकारी पाइने उनले बताए ।

शवको प्रकृति हेर्दा आत्महत्या गरेको हुनसक्ने उनले जानकारी दिए । कोठामा भित्रबाट चुकुल लगाएर लोबेडमा घोप्टो परेको अवस्थामा मृत भेटिएको उनको भनाइ छ ।

शरीर लोबेडमा रहेको भएपनि फेनमा सल बाँधिएको र कोठाको चुक्कुल भित्रबाट लगाएको पाइएकाले आत्महत्या गरेको हुनसक्ने प्रहरीको भनाइ छ । प्रहरीले भने झुण्डिएका कारण रगत सोहोरिएर निलडाम हुनसक्ने जनाएको छ ।

यता, माइतीपक्षले भने रोजिनाको आत्महत्या नभइ हत्या भएको हुनसक्ने आशङ्का गरेको छ । अनुहारमा निलडाम प्रष्ट देखिएको र शरीरमा पनि डाम देखिएकाले आत्महत्या नभइ हत्या हुनसक्ने माइतीपक्षको आशङ्का छ । मृतकको शव ओछ्यानमा घोप्टो परेको अवस्थामा फेला परेको र शरीरमा पनि निलडाम देखिएको हजुरबुबा यामकुमार गिरीले बताए ।

माइती पक्षले घटनाको अनुसन्धान गरि दोषीलाई कारवाहीको दायरामा ल्याउन माग राख्दै परिवारका तीन जना सदस्यविरुद्ध किटानी जाहेरी दिने तयारी गरेका छन् ।[][]

 


Last Updated on: September 20th, 2021 at 4:49 pm
३०६ पटक हेरिएको

तपाईको प्रतिक्रिया