शनिबार १५ माघ २०७८

काठमाडौ । काखे छोरीलाई बोकेर हिँड्दै गर्दा रोल्पामा भीरबाट खसेर आमा छोरीको मृत्यु भएको छ । बाँदर लखेटेर घर फर्कँदै गर्दा रोल्पा नगरपालिका–९ हाङबाङ बस्ने २५ वर्षीया संगिता पुन २ वर्षकी छोरी सहित खसेकी हुन् । संगीता र उनकी २ वर्षीया छोरी कृतिका पुनको निधन भएको प्रहरीले जनाएको छ ।

प्रहरीकाअनुसार घरबाट करिब १ सय ५० मिटर टाढा रहेको बारीमा रोपेको मकै बाँरवाट जोगाउन गएकी उनी फर्कदा दुर्घटना भएको हो । उनी काम सकेर घर फर्कदै थिइन् । घटनाका बिषयमा थप अनुसन्धान भैरहेको प्रहरीले जानकारी दिएको छ ।

यता बाँकेको डुडुवा गाउँपालिका–१ खडैचाका एक बृद्धको शव तलाउमा फेला परेका छन् । डुडुवा १ बस्ने ८५ वर्षीय नन्कौ अहिर राप्तीसोनारी–६ भुरीडाँडा जंगलको तलाउमा मृ त्त अवस्थामा फेला परेका हुन् ।

घरबाट मालपोत कार्यालय नेपालगञ्ज जान्छु भनि हिँडेका उनी घर परिवारको सम्पर्कमा आएका थिएनन् । उनको शव तलाउमा फेला परेपछि प्रहरीले थप अनुसन्धान शुरु गरेको जानकारी दिएको छ ।

असोज, सप्तरी । सप्तरीको खडक नगरपालिकामा सर्पले टोकेर एकै परिवारका दिदीभाइको मृत्यु भएको छ ।

नगरपालिकाको वडा नम्बर २ सिस्वाबेल्हीका १४ बर्षीया सुनीता मण्डल र ९ बर्षीय कृष्ण मण्डलको मृत्यु भएको प्रहरीले जनाएको छ ।

घरमा राति सुतेको ठाउँमा सर्पले टोकेपछि उनीहरुलाई सिराहाको लहानस्थित रामप्रसाद उमाप्रसाद स्मारक अस्पताल लगिएको थियो ।

सुनीताको उपचारका क्रममा त्यहीँ मृत्यु भएको र कृष्णलाई राजविराजको गजेन्द्रनारायण सिंह अस्पताल लगेपछि उपचारका क्रममा मृत्यु भएको सप्तरी प्रहरीका प्रवक्ता एवं डीएसपी माधवप्रसाद काफ्लेले जानकारी दिए ।


Last Updated on: September 22nd, 2021 at 3:39 pm
४०५ पटक हेरिएको

तपाईको प्रतिक्रिया