शुक्रबार १७ मंसिर २०७८

एक महिलाका पहिला नै दुई छोरी थिए । तेस्रो पटक पनि छोरीलाई नै जन्मदिइन् । त्यसपछि उनले आफ्नो भर्खर जन्मिएकी छोरी छिमेकीलाई दिइन् ।

अहिले दिएको छोरी उनले फिर्ता मागिरहेकी छन् । यो घटना अहिले प्रहरीकहाँ पुगेको छ । घटना भारतको हो । भारत अमृतसर स्थीत प्रहरीक कार्यालयमा एक छोरीलाई आफ्नो दावी गर्दै दुई आमा पुगेपछि समस्या भएको छ ।

बालिकालाई जन्म दिने आमाको नाम बेबी रहेको बताइएको छ। तानिया जो बेबीको छिमेकी हुन् । बेबीको तेस्रो सन्तान पनि छोरी भएको थाहा पाएपछि तानियाका श्रीमान छोरीलाई आफुले अपनाउँछु भनेर लिएर आए । उनीहरुको सानो परिवार थियो । कुनै कागजात बिना नै बेबीले तानियाका श्रीमानलाई आफुले भर्खर जन्म दिएको छोरी जिम्मा दिइन् ।

अब तानियावाट आफ्नो छोरी फिर्ता चाहन्छिन् । तानियाले एक महिनासम्म छोरीलाई राखिन् । जब बेबी उनको घरमा छोरीलाई भेट्न गइन् भेट गर्न दिइएन। त्यसपछि उनीहरुमा समस्या सुरु भयो । बेबीले आफ्नो छोरी फिर्ता माग्दा तानियाले ३५ हजार रुपैया मागेको आरोप लगाएकी छन् ।

बेबीले पहिले नै दुई छोरीहरु छन्, जो कान्छी छन्। यस्तो स्थिति मा, सानी छोरी उनीहरुलाई दिएपछि आफुलाई केही बोझ कम हुने सोचेर छोरी दिएकी थिइन् । तर १० दिन पछि उनीहरुको घर पुगिन्,

यो परिवारले आफ्नी छोरीलाई भेट्न अस्वीकार गरे । छोरीसंग अब हाम्रो धेरै लगाव भैसकेको छ फिर्ता दिँदैनौं भने । प्रहरीले दुवै महिलालाई सम्झाउने कोशिस गरिरहेको जनाएको छ ।

काठमाडौँ, १६ असोज – काठमाडौँका स्थानीय तहमा आज नेपाली कांग्रेसको अधिवेशन हुने भएसँगै कार्यकर्ता उत्साहित भएका छन् । नगरका टोल–टोलमा कांग्रेस अधिवेशनको चर्चा छ । अधिवेशनले कार्यकर्तामा उत्साहसँगै सक्रियता बढाएको देखिन्छ । काठमाडौँ महानगरपालिका– २५ का वडाध्यक्ष नीलकाजी शाक्य लामो समयदेखि नभएको पार्टीको महानगर अधिवेशनले कार्यकर्ता उत्साहित भएको बताउनुहुन्छ ।

पार्टीका पुराना नेतासमेत रहनुभएका शाक्यले महानगर सभापति पदमा उम्मेदवारी घोषणा गरी प्रचारप्रसारमा लाग्नुभएको छ । शाक्यसँगै नेपाल तरुण दल काठमाडौँका संस्थापक अध्यक्ष प्रगतिमान रञ्जित पनि महानगर सभापति पदमा उम्मेदवारी घोषणा गरी प्रचार अभियानमा लाग्नुभएको छ । महानगरमा दुई नेताबीच प्रतिस्पर्धा हुनेछ ।

महानगरपालिकामा १२औँ र १३औँ महाधिवेशनका बेला नगर अधिवेशन नभएकामा यसपटक गर्न लागिएकाले कार्यकर्ता उत्साहित भएको जिल्ला सभापति कृष्ण सबुज बानियाँले राससलाई जानकारी दिनुभयो । काठमाडौँमा करिब १३ वर्षपछि महानगर अधिवेशन हुन लागेको हो । महानगरका ३२ वडाबाट निर्वाचित क्षेत्रीय प्रतिनिधि, वडा सभापति, पार्टीका तर्फबाट निर्वाचित सांसद, प्रदेशसभा सदस्य, पार्टीबाट सांसद र प्रदेशसभा सदस्यमा उम्मेदवार भएका पदेन प्रतिनिधि भई निर्वाचन प्रक्रियामा सहभागी हुन पाउने व्यवस्था कांग्रेसको विधानमा रहेको जिल्ला निर्वाचन अधिकृत वरिष्ठ अधिवक्ता नरहरि आचार्यले बताउनुभयो ।

चन्द्रागिरि नगरपालिकामा सर्वसम्मत सभापति चयन हुने वातावरण बनेको छ । पार्टीका सबै पक्ष नगर प्रमुखसमेत रहनुभएका घनश्याम गिरीलाई सभापति बनाउन सहमत भएको जनाइएको छ । यसैगरी गोकर्णेश्वर नगरपालिकामा सर्वसम्मत रुपमा नेतृत्व चयनको तयारी भएको कांग्रेस नेताले जनाएका छन् । दक्षिणकाली नगरपालिकामा भने विवादका कारण स्थगन गरिएको छ ।

कीर्तिपुर, नागार्जुन, तारकेश्वर, टोखा, बूढानीलकण्ठ, कागेश्वरी मनोहरा र शङ्खरापुर नगरपालिकामा पनि आज नगर अधिवेशन गरिँदै छ । अधिवेशनको कार्यक्रम बिहान ८ः०० बजेदेखि नै शुरु भएको निर्वाचन अधिकृतको कार्यालयले जनाएको छ । बेलुका ५ः०० बजेपछि निर्वाचन कार्यक्रम नराख्न नगर निर्वाचन अधिकृतलाई निर्देशन दिइएको छ । केन्द्रीय निर्वाचन समितिले वडा अधिवेशन भएका सबै जिल्लामा दसैँअघि नै स्थानीय तहको अधिवेशन गर्न निर्देशन दिएको सचिव वरिष्ठ अधिवक्ता जगन्नाथ श्रेष्ठले बताउनुभयो ।(रासस)

प्रतिकृया दिनुहोस

 

 


Last Updated on: October 2nd, 2021 at 1:43 pm
१५८ पटक हेरिएको

तपाईको प्रतिक्रिया