आइतबार ३१ आश्विन २०७८

काठमाडौं – नेपाली बजारमा दीगो ब्रान्डका इलेक्ट्रिक कार उपलब्ध गराइरहेको दीगो ग्रुप अफ कम्पनिजले दीगो ई८ कारको नयाँ मूल्य सूची सार्वजनिक गरेको छ ।

दीगो ई८ नेपाली बजारमा उपलब्ध इलेक्ट्रिक कार मध्ये सबैभन्दा सस्तो इलेक्ट्रिक कार मानिन्छ । दीगो ई८ कार नेपाली बजारमा पहिले देखि नै स्टकमा उपलब्ध छ । यसकारण कुनै पनि ग्राहकले तत्कालै डेलिभरी लिन चाहेमा यसको समेत व्यवस्था भएको कम्पनीले जानकारी गराएको छ ।

दीगो ई८ को पहिलो लट बिक्री भएपछि कम्पनीले बजेटअघि नै दोस्रो लट आयात गरेको थियो । सरकारले विद्युतीय सवारी साधनमा लाग्ने कर कटौती गरेपछि कम्पनीले आफूसँग स्टकमा रहेका गाडीहरु मूल्य घटाएर बिक्री गर्ने निर्णय लिएको हो ।

दीगो ई८ तत्कालै मानिसको ध्यान खिच्न सक्ने ताजा डिजाइनको आधुनिक कार हो । यो आधुनिक डिजाइन र उच्चतम प्रविधिको समिश्रण हो, जसले कार्बन उत्सर्जन कटौतीमा योगदान गर्छ । यो कारमा १५.२ किलोवाट आवरको लिथिअम ब्याट्री जडित छ । यसको मोटर क्षमता १५ किलोवाट छ । एकपटकको चार्जले सामान्य सञ्चालन अवस्था मा यो कार १५० किलोमिटरसम्म (एनइडिसी २०० किलोमिटर) कुद्छ । यो कारलाई घरको सामान्य चार्जिङ प्लग जोडेर पाँच घन्टामा पूर्ण रुपमा सजिलै चार्ज गर्न सकिन्छ । दीगो ई८ को प्रतिकिलोमिटर बिजुली खर्च सामान्य सञ्चालन अवस्थामा १ रुपैयाँ १० पैसा मात्रै पर्छ ।

दीगो ई८ को मूल्य २१ लाख ९४ हजार ५ सय तोकिएको छ । पहिले २४ लाख ९४ हजार रुपैयाँ भएकोमा अब यसको नयाँ मूल्य सार्वजनिक गरिएको हो ।

चालु आर्थिक वर्षका लागि गत वर्ष सार्वजनिक गरिएको बजेट वक्तव्यमार्फत एकै पटक अन्तःशुल्क र भन्सार दरमा गरिएको वृद्धिका कारण पहिले मूल्य सार्वजनिक गरिएको थिएन । पछि बीचमा सरकारले यसमा केही परिमार्जन गरे पश्चात दीगोको यो कारको मूल्य २४ लाख ९४ हजार रुपैयाँ तोकिएको थियो ।


Last Updated on: October 14th, 2021 at 11:56 am
२२० पटक हेरिएको

तपाईको प्रतिक्रिया