शुक्रबार १७ मंसिर २०७८

काठमाडौं २ कात्तिक । नेपालगञ्जदेखि २० दिनको यात्रा गरेर काठमाडौं आइपुगेका रुबी खान सहित १५ जना महिलाको सुमह र सरकारबिच सहमति भएको छ ।

बाँकेमा घरेलु हिंसाबाट आफ्नै परिवारका सदस्यकै मिलेमतोमा अकालमै ज्यान गुमाएकी नकुन्नी धोबी र निर्मला कुर्मीको हत्यारालाई कारवाही गर भन्दै अनसन बसेकी खानले सहमति भएसँगै अनशन स्थगित गर्ने भएकी छन् ।

गृहमन्त्रालयका सहसचिव हिरालाल रेग्मीको नेतृत्वमा ६ सदस्यीय छानविन समिति गठन गर्ने सहमित भएसँगै खान अनशन स्थगित गर्ने सहमतिमा पुगेकी हुन् । उक्त छानविन समितिमा मुस्लिम समाज चेतना केन्द्रका अध्यक्ष मोहमद शेर बागवान रहेका छन् ।

सात दिन भित्र प्रतिवेदन बुझाउने गरी छानविन समिति गवन भएको हो । अनशनरत खानले दोषीलाई पक्राउ नगरेको भन्दै जिल्ला प्रहरी कार्यालय बाँकेका एसपी श्यामकृष्ण अधिकारी र डिएपी मधुसुदन न्यौपानेलाई विभागीय कारबाही गर्न माग समेत गरेकी छन् ।

आफ्नो माग पुरा नभए सम्म आफुहरु धर्नामा बस्ने बताएका छन् । यस विषयमा अहिले केही बेरमा पत्रकार सम्मेलन गरी जानकारी गराइने बताइएको छ ।

प्रतिकृया दिनुहोस

काठमाडौँ — काठमाडौँबाट भोजपुर जानुपर्ने ७ यात्रुलाई नेपाल वायु सेवा निगमको जहाजले आइतबार त्रिभुवन अन्तर्राष्ट्रिय विमानस्थलमै छाडेर उडेपछि सोमबार बिहानै पर्यटनमन्त्री प्रेमबहादुर आले त्रिभुवन अन्तर्राष्ट्रिय विमानस्थलस्थित आन्तरिक टर्मिनल भवनमा साढे ६ बजे नै पुगे ।

दसैंका कारण काठमाडौँ छाड्ने यात्रुको चाप टर्मिनलमा अत्यधिक थियो । सोमबार पनि ३ सय १२ वटा आन्तरिक उडानको सूची थियो । मौसम खराबी कारण काठमाडौँ बाहिरका सबै विमानस्थल नखुलिसकेकाले टर्मिनल भवनमा यात्रुको भीडभाडमै मन्त्री आलेले त्यहाँको व्यवस्थापन नियाले ।

मन्त्रीले आन्तरिक विमानस्थल अनुगमन गर्ने खबर पाएपछि उनीभन्दा अघि नै त्यहाँ पुगिसकेका आन्तरिक टर्मिनलका प्रमुख पूर्ण चुडालले कोरोना संक्रमणको प्रभाव घटेसँगै यात्रुको भीड अत्यधिक बढेकाले टर्मिनल साँघुरो भएको बताए ।

मन्त्री आलेले आन्तरिक टर्मिनलका प्रमुख चुडाललाई भवन भित्र रहेको क्याफे सोनिगाले अत्यधिक महँगो दरमा चिया/कफी बिक्री गरिरहेको गुनासो सेवाग्राहीबाट आएको भन्दै मूल्यबारे निगरानी गर्न निर्देशन दिए ।

 


Last Updated on: October 19th, 2021 at 3:49 pm
५९ पटक हेरिएको

तपाईको प्रतिक्रिया