शुक्रबार ०८ आश्विन २०७८

झापा । झापामा एक महिलासहित दुई जनाको शव खोला किनारमा फेला परेको छ। एक जनाको निन्दा खोला र एक जनाको बिरिङ खोला किनारमा शव फेला परेको प्रहरी कार्यालय झापाका डिएसपी राकेश थापाले जनाकारी दिए। उनका अनुसार मंगलबार बिहान साढे ९ बजे मेचीनगर नगरपालिका(१५ निलकोठी स्थित निन्दा खोलाको बीच भागमा सोही नगरपालिका निवासी ६० वर्षीया सलकी भेसरा (र्मुर्मु) को शव फेला परेको हो।

 

शवलाई पोस्टमार्टमका लागि मेची अस्पताल भद्रपुर पठाइएको डिएसपी थापाले बताए। पहिचान नखुलेको महिलाको शव खोलामा घोप्टो परेको अवस्थामा फेला परेपछि इलाका प्रहरी कार्यालय धुलाबारी र प्रहरी चौकी ज्यामिरगढीको प्रहरी टोली घटनास्थल पुगेका थिए। शवको पहिचान नखुलेको अवस्थामा मृतकका छोरा हुपना र्मुर्मुले मेरो आमा हो भनी पहिचान गरेका थिए।

 

त्यस्तै आइतबार राति झापा गाउँपालिकाको पन्थापाडास्थित बिरिङ खोलाको किनारमा अन्दाजी ३५ वर्षीय युवकको शव फेला परेको डिएसपी थापाले बताए।
मृतक युवकको पहिचान अझै खुलेको छैन। इलाका प्रहरी कार्यालय कुमरखोदको टोलीले कानुनी प्रक्रिया पूरा गरी शवको डिएनए परीक्षणका लागि बिपी कोइराला स्वास्थ्य विज्ञान प्रतिष्ठान धरान पठाइएको छ। सड्न लागेको शवको पहिचान खुल्न नसकेको हुँदा थप अनुसन्धानका लागि धरान पठाएको उनले बताए।

 

 


Last Updated on: August 13th, 2021 at 9:30 am
१५६ पटक हेरिएको

तपाईको प्रतिक्रिया